Lansohet platforma e parë dhe e vetme online për hulumtimin e produkteve financiare

CEO i kësaj platforme Jetmir Halimi, është rritur në Zvicër, ku dhe ka krijuar bagazh profesional, mirëpo ka ca kohë që është kthyer në Kosovë për të zhvilluar idenë e tij.

Është lansuar platforma e parë dhe e vetme online në Kosovë që bën hulumtimin e produkteve financiare, Trekandi. Në njoftim thuhet se “Tani nuk keni pse të humbni kohë duke shkuar në çdo institucion financiar për t’u informuar rreth shërbimeve financiare, siç është për shembull kredia”.

Të gjitha ofertat nga institucionet financiare dhe bankat do t’i gjeni në një vend.

Në eventin që u mbajt ishin të pranishëm ambasadori i Shteteve të Bashkuara të Amerikës, Greg Delawie, drejtori i misionit të USAID-it në Kosovë, James Hope, ekipi i Gjirafës, përfaqësues të institucioneve financiare, të ndërmarrjeve të ndryshme, të cilët e mirëpriten këtë platformë që i ka munguar tregut të Kosovës, përcjell albinfo.ch.

CEO i kësaj platforme Jetmir Halimi, është rritur në Zvicër, ku dhe ka krijuar bagazh profesional, mirëpo ka ca kohë që është kthyer në Kosovë për të zhvilluar idenë e tij.

Ndër të tjerash gjatë eventit Jetmiri u shpreh se “Misioni i Trekandit është që qytetarët ta kenë një pikë për të u referuar dhe për të gjetur ofertën më të mirë që ofrojnë institucionet financiare”, përcjell albinfo.ch.