Shqiperia
Largimi i shqiptarëve jo vetëm problem i Shqipërisë, edhe Greqia ngre alarm
Largimi i të rinjve shqiptarë drejt Gjermanisë apo shteteve të tjera në Europë e jo vetëm, është kthyer në një problem tejet serioz për vendin tonë, por në anën tjetër po shqetëson edhe grekët.
Media greke “Kathimerini” i ka kushtuar një shkrim largimit të punëtorëve nga vendet e Ballkanit në drejtim të Gjermanisë, duke u kthyer në një problem tejet serioz për bujqësinë në Greqi. “Një ngricë do të na shpëtonte”, thotë me ironi Christos Giannakakis, nënkryetar i Unionit Kombëtar të Kooperativave Bujqësore në Greqi, duke lënë të kuptohet se në rast të dëmeve të shkaktuara nga kushtet e motit, ata do të dëmshpërblehen nga shteti, pasi në të kundërt nuk do të kenë mundësi të vjelin prodhimin.
Tashmë grekët kanë nisur të kërkojnë për punëtorë në shtete si Egjipti, Vietnami, India, Pakistani, Tajlanda, Kazakistani apo edhe Peruja e Ekuadori. Ata po kërkojnë kudo, përveç shqiptarëve, të cilët kanë mbajtur gjallë bujqësinë për gati 3 dekada.
“Grekët nuk punojnë në bujqësi. Njerëzit po largohen nga vendi i tyre për në Gjermani, Francë e Itali, aty ku marrin rroga shumë më të larta. Pse duhet të vijnë te ne. Bullgaria nuk ka punëtorë, po ashtu edhe Rumania, Shqipëria dhe Maqedonia e Veriut. Ata kanë ikur në Europë dhe ne duhet t’i harrojmë. Nëse do të kemi fat, atëherë do të sjellin punëtorë nga Kazakistani dhe më pas nga vende të tjera në Azinë Juglindore”, shprehet Christos Giannakakis, nënkryetar i Unionit Kombëtar të Kooperativave Bujqësore në Greqi.
Tashmë, kalimi nga punëtorët e vendeve të Ballkanit tek ata nga Azia nuk pritet të jetë i lehtë dhe pa dhimbje për bujqësinë në Greqi. Giannakakis thekson se gjetja e punëtorëve nga vendet aziatike vështirësohet nga procedurat komplekse burokratike të sistemit grek.
Të tjera nga Shqiperia
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas