Lajme

LDK mban takim me mërgatën në Austri

LDK vazhdon tubimet me mërgatën, ndalesa e radhës në Austri

E enjte, 11 Dhjetor 2025 - 10:20 albinfo.ch

Lidhja Demokratike e Kosovës po vazhdon serinë e takimeve me mërgatën. Pas tubimit të mbajtur në Gjermani, partia ka paralajmëruar një takim tjetër edhe në Austri, përcjell albinfo.ch.

Dega e LDK-së në Austri, së bashku me pesë nëndegët e saj, fton bashkatdhetarët në një tubim informues në Amstetten, ku do të prezantohet kandidati për deputet për zgjedhjet nacionale të 28 dhjetorit, Besart Berisha.

Në njoftimin e partisë bëhet e ditur se në takim do të jetë i pranishëm edhe ish-kryeministri Avdullah Hoti, raporton albinfo.at.

Takimi mbahet të premten, më 12 dhjetor 2025, nga ora 19:00

Adresa: Marktplatz 4, 3364 Neuhofen an der Ybbs, Austri

LDK ka paralajmëruar një tubim tjetër më 13 dhjetor në Frankenthaler të Gjermanisë, ku pritet të marrë pjesë edhe kryetari i partisë, Lumir Abdixhiku.