Lëkundjet e tokës shkaktojnë panik në Itali

Një tërmet me magnitudë 3.6 është regjistruar në Sicilinë verilindore, pak pas mesnate mes të mërkurës dhe të enjtes, përcjell albinfo.ch.

Sipas gjetjeve të Institutit Kombëtar të Gjeofizikës dhe Vullkanologjisë, tërmeti kishte epiqendrën e tij 8 kilometra nga Maniace (Catania) dhe 9 nga Floresta (Messina), në një thellësi prej 37 kilometrash.

Menjëherë pas orës 3, një tërmet tjetër me magnitudë 3.2 u regjistrua pranë Acireale, dhe më pas një tërmet me magnitudë 2.5 afër Santa Venerina.

Autoritetet nuk kanë raportuar për dëme në njerëz apo objekte, perveç panikut te qytetarët.