Sulmon policin dhe arratiset, në veri të Kosovës

Sulmohet me gurë vetura e tij

Një pjesëtar i Policisë së Kosovës është lënduar sot paradite në veri të Kosovës, pasi vetura civile, në të cilën ishte ai, është sulmuar me gurë.

Vetura ku ishte pjesëtari i policisë së Kosovës është sulmuar me gurë në afërsi të vendkalimit kufitar në Bërnjak, pasi në të ishte edhe një person i ndaluar për kalim ilegal të kufirit dhe po transportohej në stacion policor. Lajmin e ka konfirmuar për Telegrafin zëdhënësi i Policisë së Kosovës për Rajonin e Veriut, Besim Hoti.

“Arsye e sulmit ndaj zyrtarit policor ka qenë ndalimi i një personi nga Policia Kufitare, për hyrje ilegale, i cili më pastaj është arratisur. Tani përveç rastit kalim ilegal i kufirit, do të nisim procedurë edhe për sulm ndaj personit zyrtar”, ka thënë Hoti për Telegrafin.

Ai ka bërë të ditur se Policia është duke kontrolluar tri shtëpi në veri dhe është në kërkim të tre personave, përcjell Albinfo.ch.

---