Lenjani asiston, Kasami shënon

Sioni ka lëshuar rastin e artë për të marrë një trepikësh në luftën për mbijetesë në Superligën e Zvicrës.

Skuadra ku luajnë futbollistët shqiptarë, Ermir Lenjani, Burim Kukeli dhe Pajtim Kasami kaloi në avantazh pas golit të shënuar në minutën e 31-të, por ekipi mysafir i Luzernit barazoi në fund të pjesës së parë, shkruan albinfo.ch.

Golin për Sionin e realizoi Pajtim Kasami, pas një asistimi nga Ermir Lenjani.

Burim Kukeli nuk ishte i grumbulluar për këtë takim. Sioni ndodhet në vendin e fundit në Superligën zvicerane, me tre pikë më pak se vend i parafundit.

Për Luzernin nga minuta e parë luajtën dy futbollistët nga Kosova, Hekuran Kryeziu dhe Idriz Voca, derisa në pjesën e dytë është inkuadruar edhe futbollisti tjetër shqiptar, Shkëlqim Demhasaj.