Letra e hapur e Valon Behramit

Ai me një letër të hapur i është drejtuar tifozëve

Fishkëllimat ndaj sulmuesit Haris Seferoviq në zëvendësimin e tij nga publiku zviceran kanë shkaktuar shumë reagime në Zvicër. Futbollistët e kanë mbështetur Seferoviqin, duke kërkuar nga publiku që t’i mbështesin dhe jo t’i fishkëllejnë. I fundit që ka reaguar është mesfushori shqiptar, Valon Behrami, shkruan ‘Blick’, përcjell albinfo.ch.

Ai me një letër të hapur i është drejtuar tifozëve.

“A mund të fërshëllehet një lojtar? Sigurisht se kush paguan një biletë automatikisht është i lirë të shprehë zhgënjimin e tij. Por, në këtë rast bëhet fjalë për kombin tonë. Bëhet fjalë për djemtë që përpiqen ta bëjnë krenar vendin. Të njëjtit djem që bën paraqitje fantastike, duke u kurorëzuar me një kualifikim në Kupën e Botës. Sportistët gjithashtu janë njerëz dhe i ndjejnë fishkëllimat. Sidomos kjo nuk është dashur të ndodhë në një mbrëmje të tillë.

Kupa e Botës gjithashtu ushqen ëndrrat e fëmijëve. Ashtu sikur më ka ndodhur mua në vitin 1994. Kupa e Botës do të thotë gjithashtu se familja dhe miqtë bashkohen për mbrëmje të veçanta. Kjo mund t’i largojë nga stresi dhe telefonat, që na lidhin si skllevër. Edhe ata që nuk e përcjellin futbollin do të bashkohen, do të mbajnë një flamur mbi supe, ose do të përkrahin ekipin e tyre. Por, fishkëllimat e tij kundër një lojtari të Kombëtares nuk bën të ndodhin. Jo, në kohë të tilla. Ne e dimë se edhe një herë kemi mundësuar kombin të përjetojë ditë të tilla të veçanta”, thuhet në letrën e hapur të Valon Behramit.