“Like” i bën 10 vjet

Butoni i famshëm “Like” që u bë i njohur nga “Facebook”, ka ndryshuar komunikimin tonë online dhe vazhdon të rritet falë reagimeve. Kanë kaluar dhjetë vjet nga “Like” i parë në historinë e internetit. Butoni “më pëlqen” u bë i famshëm nga rrjeti social “Facebook”.

Ky buton nuk del nga moda, pavarësisht se në këto dhjetë vjet, tendencat e rrjetit dhe zakonet e përdoruesve kanë ndryshuar tërësisht, shkruan ‘monitor’.

Suksesi i “Like” ka qenë kaq i madh, saqë sot përdoret praktikisht në çdo platformë. Përveç “Facebook” e përdorin edhe portalet e lajmeve dhe të gjithë rrjetet sociale përdorin “derivatet” e “Like”. “Twitter” dhe “Intagram” përdorin për shembull “zemrën”, përcjell albinfo.ch.

“Like” i parë duhet të jetë ai i dhënë në platformën “FriendFeed” më 30 tetor 2007. “FriendFeed” u ble nga “Facebook” në vitin 2009 dhe kjo platformë e mbylli aktivitetin në vitin 2015.

Butoni “Like” ka disa kuptime. Dhe jo rastësisht, për ta bërë më specifik, “Facebook” ka përfshirë në platformën e vet, edhe të ashtuquajturat “Reaction”.