Linja Cyrih-Majami, aeroplani kthehet prapa për një arsye qesharake

Një fluturim ndërkombëtar për në Majami duhej të kthehej në Cyrih, sepse të shtatë tualetet dolën jashtë përdorimit. Problemi, që u fiksua përfundimisht, shkaktoi një vonesë prej disa orësh për 236 pasagjerët

Fluturimi i 20 dhjetorit nga Cyrihu për në Majami u ndërpre pas rreth tri orësh, kur problemi u zbulua mbi detin Atlantik, në perëndim të Irlandës.

Kapiteni i Airbus A330-300 mori vendimin për të kthyer fluturimin përsëri në Cyrih, sipas “Watsonexternal”, përcjell albinfo.ch.

Teknikët në aeroportin e Cyrihut e identifikuan problemin si një defekt në sistemin e ujërave të zeza, i cili u desh rreth katër orë për të rregulluar.

Fluturimi përfundimisht u kthye në ajër dhe i dorëzoi pasagjerët në Majami, por të paktën tetë orë pas planifikimit.

“Sigurisht, është shumë e pakëndshme kur ndodh diçka e tillë”, deklaroi një zëdhënës zviceran i Linjave Ajrore Ndërkombëtare për agjencinë zvicerane të lajmeve Keystone-SDA.

Por, zëdhënësi shtoi se problemet e kësaj natyre janë jashtëzakonisht të rralla.

 

---