Lirohen nga tatimi doganor pajisjet e Teknologjisë Informative

Nga java e ardhshme do të lirohen nga tatimi doganor pajisjet e Teknologjisë Informative për të gjithë qytetarët e Kosovës, duke përfshirë edhe pjesët rezervë për pajisjet e prodhimit, njofton Ministria e Financave nëpërmjet një komunikate për media.

Ministria këtë lirim e ka bërë në kuadër të zbatimit të reformave fiskale, përcjell albinfo.ch.

Në njoftim theksohet se ministria është duke rishqyrtuar edhe legjislacionin e tatimit në të ardhura personale, të ardhura të korporatës, Ligjin e TVSH-së dhe Ligjin e Administratës dhe Procedurës Tatimore.