Lisbona i mirëpret garuesit e Eurovisionit

Konkurrentët që përfaqësojnë 43 vende në edicionin e 63-të të Eurovizionit morën pjesë në një ceremoni të mbajtur në kryeqytetin portugez.

Shikuesit dhe juritë votojnë për këngët e tyre të preferuara me telefon ose SMS, por një shtet nuk mund të votojë për përfaqësuesin e vet, përcjell albinfo.ch.

Konkurrentët do të garojnë në dy gjysmëfinale që mbahen më 8 dhe 10 maj përpara finales së madhe, më 12 maj, ku 26 pjesëmarrës do të konkurrojnë për çmimin e parë.

Eurovizioni është mbajtur që nga viti 1956.  Netta Barzilai e Izraelit me këngën e saj “Toy” shihet si favorite e ndjekur nga përfaqësuesi norvegjez me këngën ” That’s how you write a song”.

Shqipëria përfaqësohet nga Eugent Bushpepa. Rock këngëtari i njohur shqiptar është zotuar se do të bëjë më të mirën e mundshme që ta përfaqësojë denjësisht Shqipërinë. Salvador Sobral, përfaqësuesi i Portugalisë, e ka fituar Eurovizionin e vitit të kaluar.