Lista zyrtare: Kosova në listën e rrezikut, 10 ditë karantinë pas kthimit

Karantinimi në këtë rast nënkupton qëndrimin mbyllur në shtëpi ose banesë dhe jo në ndonjë lokal të karantinës në kuptimin klasik

Udhëtimi jashtë vendit është bërë më stresues në kohën e krizës së koronavirusit.

Përveç masave mbrojtëse dhe kushteve të pasigurta të udhëtimit, Zyra Federale e Shëndetit (BAG) tani rendit edhe zonat e pushimeve të rrezikut. Zviceranët me pushime në këto vende duhet të karantinohen për dhjetë ditë kur të kthehen më pas në Zvicër, njofton BAG në një komunikatë, përcjell albinfo.ch.

Nga 6 korriku vlen si më poshtë: Zviceranët që kalojnë pushimet e verës në vende si Suedia, Serbia, Kosova, Izraeli apo Rusia duhet të kalojnë dhjetë ditët e para pas udhëtimit të kthimit në izolim, shkruajnë mediat zvicerane.

Karantinimi në këtë rast nënkupton qëndrimin mbyllur në shtëpi ose banesë dhe jo në ndonjë lokal të karantinës në kuptimin klasik.

BAG dëshiron të parandalojë një valë të dytë, përcjell tutje albinfo.ch.

Karantinë prej dhjetë ditësh

Nëse akoma doni të shkoni në vendet me rrezik, duhet të përgatiteni për dhjetë ditë karantinë pasi të ktheheni në Zvicër. Udhëtarët duhet të raportojnë pranë autoriteteve kantonale. Kompanitë e linjave ajrore udhëzohen që në fakt të mos transportojnë pasagjerë të sëmurë, përcjell tutje albinfo.ch.

Lista duhet të azhurnohet rregullisht, ndoshta të paktën mujore. Suedia ishte një vend problematik edhe më herët, por edhe sot. Më parë, udhëtarët në aeroport duhej të bënin një matje të temperaturës ose, nëse ishte e nevojshme, një provë Covid 19.

Lista e vendeve dhe zonave me një rrezik të rritur të infeksionit

Argjentinë

Armeni

Azerbajxhan

Bahrejn

Bjellorusi

Bolivi

Brazil

Cabo Verde

Kili

Republika Domenikane

Honduras

Irak

Izrael

Katar

Kolumbi

Kosovë

Kuwait

Moldavi

Maqedonia e Veriut

Oman

Panama

Peru

Rusi

Arabia Saudite

Suedi

Serbia

Afrika e Jugut

Ishujt Turke dhe Kaikos

Shtetet e Bashkuara të Amerikës

---