Lozanë: Menaxherët e autobusëve duhet të jenë në gjendje të drejtojnë autobusë

@Pixabay

Nëse doni të jeni menaxher në një kompani, atëherë duhet të dini si ta bëni punën që duhet të menaxhoni.

Kjo është teoria që po zbatohet në Transportin Publik të Lozanës, transmeton albinfo.ch.

Ata që menaxhojnë shoferët e autobusëve dhe trolejbusëve, duhet të dinë si t’i drejtojnë automjetet.

Menaxherët do të duhet të japin provimet për t’u bërë shoferë të kualifikuar, dhe nëse dështojnë, do të humbasin vendet e tyre të punës.

Reforma, e frymëzuar nga masa të ngjashme në TPG të Gjenevës, synon t’i sjellë menaxherët më afër shoferëve.

Sindikatat shqetësohen se disa nga menaxherët më të vjetër mund të dështojnë për arsye shëndetësore, të tilla si presioni i lartë i gjakut ose shikimi i dobët.