Lukas Mandl: Nuk është dialog mes Prishtinës e Beogradit, por Kosovës dhe Serbisë

Eurodeputeti austriak, Lukas Mandl, ka kritikuar agjendën, e cila i përmend Prishtinën e Beogradin si qytete, e jo si shtete

Eurodeputeti austriak, Lukas Mandl, ka thënë se ky dialog nuk është mes dy qyteteve dhe Bashkimi Evropoian duhet ta bëjë këtë të qartë, përcjell albinfo.ch.

“Agjenda thotë dialogu mes Prishtinës dhe Beogradit. E njoh këtë gjuhë shumë mirë, por besoj se ky nuk është dialog mes dy qyteteve. Duhet ta bëjmë të qartë në fillim se është dialog mes dy shteteve, shtetit të Kosovës dhe Serbisë”, tha ai në sesioni e dytë të punës të Komisionit Parlamentar për Stabilizim-Asociim BE-Kosovë.

Mandl shtoi se është e rëndësishme që Bashkimi Evropian e ndërmjetëson dialogun, ndërsa potencoi se “mund të jenë konstruktiv, por edhe kritik si po vazhdon dialogu”.

---