Maqedonia ia konteston shtetësinë, Idrizi: Nuk mund të ma marrin shtetësinë

Ish kampioni i botës në karate, Enver Idrizi së fundmi ka hasur në probleme me shtetin maqedonas lidhur me shtetësinë.

Ndonëse i lindur në Maqedoni të Veriut, Idrizit i mohohet e drejta e shtetësisë në vendlindjen e tij.

Në një intervistë për Koha.mk, Idrizi thotë se në fakt atij nuk i duhet marrja e nënshtetësisë ngase është i lindur dhe e ka kryer shkollën në Maqedoni, por i duhet vetëm verifikimi, transmeton Albinfo.ch.

“Maqedonasit nuk mund të ma marrin të drejtën për shtetësi, unë këtu kam lindë e kam jetu. Nuk kam dashur të bëj shumë zhurmë, por nëse duhet – do të bëjë dhe zhurmë… I kam 6 nënshtetësi që mi kanë dhënë për një sekondë, ndërsa vendi im më refuzon. I kisha lutur kompetentët që mos t’i keqtrajtojnë njerëzit, t’u japin shtetësinë që u takon. Maqedonia nuk është vetëm e maqedonasve, por është e gjithëve, është toka jonë”, ka deklaruar Idrizi.