Maqedoni e Veriut: Aksioni “Vardar” zbulon grupin që falsifikonte para për në Kosovë dhe shtetet e tjera

Foto sc

Ministria e Punëve të Brendshme e Maqedonisë së Veriut ka bërë të ditur se si rezultat i aksionit “Vardar”, 10 persona janë arrestuar nën dyshimin për falsifikim dhe vënien në qarkullim të parave të falsifikuara.

Sipas njoftimit, aksioni ka filluar pas formimit të një grupi të organizuar kriminal, që përfshinte shtetas maqedonas dhe serbë, i cili prodhonte para të falsifikuara në një banesë në Shkup duke përdorur makineri speciale dhe pllaka të gdhendura që imitonin elementet e sigurisë të parave, transmeton albinfo.ch.

Bëhet e ditur se grupi i lëshonte monedhat e falsifikuara në qarkullim në Maqedoninë e Veriut dhe Serbi, dhe pjesa më e madhe e saj përfundonte në shtete të tjera, si Austria, Gjermania, Rumania, Sllovenia, Kroacia dhe Kosova.

Si pjesë e aksionit janë kryer bastisje në disa lokacione në Shkup, Veles dhe Prilep, ku janë arrestuar 9 persona nga Shkupi dhe një nga Velesi, raporton Klan Macedonia.