Maqedoni: Kompanitë varen nga Gjermania, shumica e produkteve eksportohen atje

Kompanitë prodhuese të Maqedonisë së Veriut varen më së shumti nga Gjermania, pasi shumica e produkteve të tyre eksportohen në këtë shtet.

Tani për tani parashikohet që ekonomia më e fuqishme evropiane të hyjë në recesion në tremujorin e dytë të këtij viti.

“Bota po hyn në një recesion global. Ne patjetër duhet të përballemi me këtë. Dhe tani po paguajmë faturat për dhjetë vjet injektim likuiditeti që nuk funksionoi. Në vitin 2020, qeveria bëri, thënë në mënyrë metaforike, një infuzion për ekonominë dhe atë disa herë gjatë ‘mbylljes’, ne sipërmarrësit morëm ndihmë, por nuk e shfrytëzuam”, u shpreh Sinisha Naumovski, ekonomist, transmeton alsat, përcjell albinfo.ch.

Projeksioni i Qeverisë për rritjen ekonomike për këtë vit parashikohet të jetë 2.9 për qind. Sipas Bankës Botërore, ekonomia globale do të ketë rritje prej vetëm 1.7 për qind këtë vit. Ajo që duhet theksuar është se ky institucion financiar ndërkombëtar para gjysmë viti parashikonte gati dyfishin e rritjes së ekonomisë botërore, por kjo nuk do të ndodhë.