Lajme
Maqedoni: Mërgimtarët vërshojnë sportelet për pajisje me pasaporta
![](https://www.albinfo.ch/wp-content/uploads/2024/02/screenshot_20240226_193734_facebook-587x365.jpg)
Pikat e fotografimit për dokumentet personale tashmë janë vërshuar nga mërgimtarët, të cilët udhëtuan drejt vendlindjes për t’u pajisur me pasaporta të rinj, me emrin Maqedonia e Veriut. Për të kryer punë më shpejt mërgimtarët pa termin po aplikojnë me procedurë të përshpejtuar me qëllim të mos rrezikojnë vendet e punës dhe humbjen e të drejtës për leje qëndrimi në shtetet perëndimore. Mërgimtarët shprehen të revoltuar për shpenzimet e dyfishta, raporton alsat, përcjell albinfo.ch.
“E bëmë me procedurë të shpejtë, erdhëm pa termin, shkuam te kryeshefja, na dha terminin, u fotografuam dhe aq, shpresoj se do të jetë gati. Për sa kohë? Na thanë prej dy deri në katër ditë, a do të bëhet vetëm Zoti e di. Unë mendoj se aspak nuk duhet të ndërrohen, këto janë vetëm shpenzime shtesë. Pasaporta ime vlen deri në vitin 2030. Deri të premten kemi pushim, nga e hëna jemi në punë, nëse nuk mbarojmë punë, do të duhet sërish t’i blejmë bileta, këto janë shpenzime të dyfishta, çdo i dyti është kështu”, tha një qytetare.
“Më duhet me procedurë të shpejtë, duhet të udhëtoj. Nuk ka rrëmujë, me termine është”, shtoi një qytetare.
“Kam ardh për pasaportën me procedurë të shpejtë se në Gjermani nuk mund t’i marr dokumentet pa qenë pasaporta e re. Thanë se për tre katër ditë përafërsisht do të bëhet. A mund ta rrezikosh vendin e punës nëse nuk shkon me kohë? Po, për këtë edhe po frikohem se nuk jam i sigurt”, shtoi një qytetar.
“Vetëm u fotografuam? Me procedurë të shpejtë ose të rregullt? Me të shpejtë, sepse jeton në Gjermani”, tha një qytetar.
Përveç mërgimtarëve, qytetarët e tjerë aplikonin për letërnjoftim dhe patent shofer sipas terminëve të caktuara paraprakisht.
“Për çfarë u fotografuat? Për letërnjoftim. A kishte rrëmujë, a pritët. Jo, nuk pritëm shumë, e kishim të caktuar, shkoi shpejt. Për 10 minuta, shpejt kaloi, gjithçka me radhë”, u shpreh një qytetare.
Deri tani me pasaporta me emrin e ri të shtetit janë pajisur rreth 1 milion e 300 mijë qytetarë, ndërsa kanë mbetur edhe rreth 650 mijë pasaporta me emrin e vjetër.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n