Maqedoni: Nga e hëna fillon testimi për Covid-19 i nxënësve në shkolla

KEYSTONE/EPA/GEORGI LICOVSKI

Nga java e ardhshme rreth 8.200 nxënës të shkollave fillore dhe të mesme do të testohen për koronavirus. Testimi do të ndodhë me zgjedhje rastësie nga regjistri i E-ditarit dhe do të jetë në pajtim me prindërit e tyre.

Ministri i Shëndetësisë, Venko Filipçe, tha se skriningu është planifikuar të zgjasë pesë ditë, ndërsa, në ditë do të testohen rreth 1.600 nxënës.

Testimi në shkollat fillore dhe të mesme organizohet me qëllim që të merren të dhëna për bartjen eventuale të virusit në shkolla, shkruajnë mediat maqedonase, përcjell albinfo.ch.