Maqedonia

Maqedoni e Veriut: Po diskutohen masa të koordinuara me vendet e rajonit

Ministri i Shëndetësisë, Venko Filipçe, i pyetur nëse në masat lehtësuese është futur edhe hapjen eventuale e kufijve, tha se për këtë po diskutohet në nivel të shteteve në rajon.

Sa i përket karantinës shtetërore, Filipçe theksoi se, sipas tij kjo masë edhe më tej duhet të implementohet.

“Karantina do të mbetet edhe më tej, mendoj se karantina është masë e shkëlqyer…14 ditë izolim, megjithatë tani kemi filluar përgatitjet për takim me ministrat e Shëndetësisë në vendet e rajonit, sepse disa vende kanë tashmë paralajmërime për disa politika individuale, ne mendojmë që duhet të jenë të koordinuara, të gjithë kolegët nga rajoni e mendojnë të njëjtën. Jemi në fazë përfundimtare në organizimin e mbledhjes me ministrin grek të Shëndetësisë, por edhe me vendet e tjera, sepse e gjithë kjo duhet të menaxhohet mirë”, theksoi Filipçe, raporotojnë mediat atje, përcjell albinfo.ch.