Maqedonia
Maqedoni: Rritet numri i divorceve
Çdo e shtata martesë në Maqedoninë e Veriut përfundon me divorc. Vitet e fundit numri i çifteve të divorcuara është rritur në mënyrë dramatike dhe çdo vit ky numër është më shumë se 2,000, që është një rritje e trefishtë në krahasim me një periudhë prej tri dekadash më parë.
“Mesatarja është diku rreth 14,000 martesa, dy mijë e gjysmë martesa të divorcuara. Pra, çdo e shtata martesë shkurorëzohet, por potenciali për rritje të numrit të martesave të divorcuara në Maqedoni është i madh. Pres një rritje të këtij numri edhe në periudhën e ardhshme”, tha Dejan Mickoviq, profesor i së Drejtës Familjare dhe Trashëgimore, transmeton alsat, përcjell albinfo.ch.
Duke ndryshuar rrethanat shoqërore, propozohet gjithashtu të përpilohet kodi civil, i cili do të mbulojë edhe marrëdhëniet juridike familjare.
“Do të kemi një reformë serioze të ushtrimit të të drejtave prindërore pas divorcit. Dhe, si në vendet e tjera evropiane, ne do të prezantojmë një model të prindërimit të ndarë. Prindërimi i ndarë do të thotë që prindërit, edhe pas divorcit të martesës, do të kenë të drejta dhe detyrime të barabarta ndaj fëmijëve dhe do të ushtrojnë bashkërisht të drejtat prindërore me marrëveshje të ndërsjellë”, shtoi ai.
Ka ende zgjidhje ligjore të vjetra në vend, thonë profesorët.
“Ne kemi nevojë për reforma në legjislacionin tonë, veçanërisht në të drejtën private. Harrohet e drejta civile, nëse e shikon, të gjithë i përmbahen së drejtës publike për sferën publike në lidhje me korrupsionin, prokurorinë, gjyqësorin. Por harrohen qytetarët dhe individët. Prandaj, ajo që shteti dhe qeveria e re duhet të bëjnë është t’u drejtohen qytetarëve, dhe pas 13 vjetësh të miratojnë kodin civil të Maqedonisë që rregullon marrëdhëniet e qytetarëve nga lindja e tyre deri në vdekje”, u shpreh Angjel Ristov-Profesor.
Krahasuar me mesataren evropiane, numri i divorceve në Maqedoninë e Veriut është ende i ulët. Në BE, sipas të dhënave të Eurostat, vitin e kaluar janë lidhur 2 milionë martesa dhe gjysma e tyre janë divorcuar.
Të tjera nga Maqedonia
E-Diaspora
-
“Festivali i këngës dhe valles shqiptare”, një festë për shqiptarët në Nju Jork Ky ishte edicioni i 32 me radhë, i organizuar nga Qendra Kulturore “Nënë Tereza”, pranë Kishës...
-
Shqipëria njofton për pajisje me dokumente elektronike për shtetasit që jetojnë jashtë vendit
-
Edi Rama sot mban takim me shqiptarët e Amerikës në Nju-Jork
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
Jeta në Zvicër
-
Qeveria zvicerane përballet me kritika për përfshirjen e mediave elektronike në ligjin për radio-TV Ndryshimet në Aktin Federal të Radios dhe Televizionit të Zvicrës (RTVA) janë pritur mirë në një...
-
Zvicra anëtarësohet në sistemin e mbrojtjes ajrore të Evropës
-
Studimi tregon se pagat e CEO-ve në Zvicër u rritën me 5% në vitin 2023
-
Ushtria zvicerane, pa softuer të logjistikës së luftës deri në vitin 2035
-
Kamerat e trupit për gjyqtarët e futbollit po bëhen temë në Zvicër