Maqedonia e kushtëzuar për BE, Shqipëria keq me drejtësinë

KE ia përsëriti Shkupit përmbushjen e një varg reformash, nga drejtësia, sundimi i ligjit, liria e mediave, të drejtat e njeriut. Edhe Shqipëria qëndron keq me drejtësinë

Për të shtatën herë me radhë, Maqedonia e mori rekomandimin nga Komisioni Evropian për të hapur negociatat për anëtarësim në Bashkimin Evropian. Mirëpo para se të ndodhë kjo, KE ia përsëriti Shkupit përmbushjen e një varg reformash, nga drejtësia, sundimi i ligjit, liria e mediave, të drejtat e njeriut etj.

Komisioneri për Zgjerim dhe fqinjësi, Johanes Han duke prezantuar të arriturat, tha se Maqedoninë konfirmoi se ka rekomandim të ri me kushtin, që të zbatohet marrëveshja e korrikut dhe urgjentisht të fillohet me masat e reformave të rekomanduara nga KE-ja, për drejti, e sundim të ligjit.

“Në korrik është arritur marrëveshje politike, ku kanë ndërmjetësuar eurodeputetet   edhe atë në mënyrën më të mirë që të merret vendim i krizës politike. Liderët politikë në vend duhet të jenë koshientë, se cilat janë prioritetet për reforma urgjente. Nevojitet që të përfundojë edhe reforma e Marrëveshjes së Ohrit, ndërsa masa shtesë për besim nevojiten mes bashkësive etnike”, shtoi Han.

Në raport theksohet se sfidat serioze të cilat kanë qenë dhe në vitet e mëparshme, tani janë më të theksuara dhe atë që nga kriza më e rëndë politike në vend e vitit 2001. në raport përmenden përgjimet e politikanëve, përzierjen e politikës në gjyqësor, lirinë e mediumeve, korrupsionin…

Në tekst përfundohet se “situata ndëretnike ngelet e brishtë”. Po ashtu pëmendet edhe aksioni policor në Lagjen e Trimave në Kumanovë.

“Pas një operacioni policor në një lagje të banuar me shqiptarë në Kumanovë, ku humbën jetën 18 persona, të gjithë liderët politik në vend kërkuan ri-vendosje të qetësisë dhe nënvizuan se ky incident nuk duhet të shihet si incident ndër-etnik. Ngjarjet e Kumanovës duhet tërësisht të hetohen” shkruhet në raport.

Komsioneri evropian, Johannes Hahn ka raportuar edhe për Shqipërinë, për të cilën kërkon që të bëhet më shumë në funksionimin e shtetit ligjor.

“Duhet të ecet me reformat e nevojshme për të avancuar në procesin e integrimit në BE. Duhet bërë më shumë për të drejtat e njeriut dhe më shumë përpjekje për një reformë të thellë në sistemin e drejtësisë. Gjithashtu, Shqipëria duhet të ndërmarrë një seri veprimesh në luftën kundër korrupsionit dhe krimit të organizuar, si dhe të bëjë përpjekje më sistematike për të drejtat e pronës dhe legjislacionin mbi kompensimin e pronës”, tha Hahn në konferencë.

Sipas raportit, administrata gjyqësore është e ngadaltë dhe vendimet gjyqësore nuk zbatohen gjithmonë.

“Trajnimi profesional i gjyqtarëve është i papërshtatshëm dhe pavarësia e tyre nuk është plotësisht e siguruar. Përgjegjshmëria e gjyqtarëve dhe prokurorëve është e pamjaftueshme dhe korrupsioni në sistemin gjyqësor është gjerësisht i përhapur. Bashkëpunimi ndërinstitucional, është i varfër dhe burimet janë të pamjaftueshme”, thotë Hahn në raportin për Shqipërinë.