Maqedonia, e para për papunësi

Maqedona renditet si shtetin e parë në botë për nga numri i të papunëve, në revistën e njohur britanike “The Economist” në hulumtimin e fundit që ka bërë për gjendjen ekonomike të shteteve të ndryshme në botë, në veçanti në rrafshin e papunësisë.

Nga 92 vende të botës, nga të cilat ka siguruar të dhëna kjo revistë, Maqedonia ka shkallën më të lartë të papunësisë prej 32 për qind, kurse shkalla e inflacionit është 35 për qind.

“Maqedonia ndoshta do ta mbajë mend ish-presidentin e ndjerë Kiro Gligorov për punë të mira, por vendi aktualisht është në kaos. Ajo është në majën e mizorisë, që e dëshmon një kombinim i treguesve të errët të ekonomisë – papunësia dhe inflacioni”, thuhet mes tjerash në tekstin për këtë shtet.

Nga vendet e Ballkanit në situatë të ngjashme është edhe Greqia, ku indeksi i papunësisë është 18, kurse i inflacionit 20. Numrin më të ulët të papunësisë në botë e kanë Katari dhe Zvicra.