Maqedonia u shtohet shteteve që dëbojnë diplomatët rusë

Ministri i jashtëm i Maqedonisë, Nikola Dimitrov, ka konfirmuar lajmin se edhe Maqedonia është mes shteteve që ka dëbuar diplomatët rusë nga vendi.

“I njoftojmë autoritetet ruse për vendimin tonë për largimin e diplomatit rus, në konsultim të ngushtë me partnerët tanë, në solidaritet me Britaninë e Madhe si dhe për t’i mbrojtur interesat tona të sigurisë”, shkroi Dimitrov në rrjetet sociale, informon albinfo.ch.

Por menjëherë ka qenë reagimi i ambasadës ruse në Shkup, e cila i është kundërpërgjigjur: “Qeveria solli vendim që ta dëbojë diplomatin rus. Përgjegjësinë e plotë nga ky provokim dhe aktin armiqësor në marrëdhëniet ruso-maqedonase do t’i bart pala maqedonase”, publikoi ambasada ruse në Twitter.

Shtetet e BE (pa Austrinë), SHBA, Kanada, Shqipëria, Ukraina dhe Maqedonia janë shtetet që kanë dëbuar diplomatët rusë.