Martesat masive në Indonezi

Qindra çifte indoneziane festuan natën e Vitit të Ri me martesa masive në kryeqytetin Xhakarta.

Gjithsej 437 çifte, të veshur me veshjet tradicionale indoneziane, u mblodhën në një çadër të madhe në qendër të qytetit, vetëm disa orë përpara mesnatës për të nënshkruar certifikatat e martesës, përcjell albinfo.ch. Guvernatori i Xhakartës i përgëzoi ata që u martuan dhe tha se iniciativa synonte të ndihmonte njerëzit nga komuniteti me të ardhura të ulëta, duke u siguruar që martesat e tyre të njihen zyrtarisht.

Shumë çifte thanë se ishin mirënjohës ndaj administratës së qytetit për ceremoninë e dasmave. Autoritetet gjithashtu ngritën fonde për të paguar për dhuratat e çifteve.