Mbahet debati “Gruaja në diasporë”

Ministria e Diasporës, përkatësisht Divizioni i Kulturës, Rinisë dhe i Sportit, ka njoftuar se në kuadër të aktiviteteve të fushatës Ditët e Diasporës, do ta organizojë një tryezë ku do të debatohet rreth temës “Gruaja në diasporë”.

Sipas njoftimit të kësaj ministrie në këtë debat pritet të diskutohet për sukseset, problemet, sfidat dhe mundësitë që kanë gratë në diasporë, me qëllim të sensibilizimit dhe inkurajimit të tyre për suksese të reja në vendet e emigrimit, si dhe krijimit të lidhjeve e shkëmbimit të njohurive në fusha të ndryshme edukative.

Në debatin e kësaj tryeze, që do të mbahet më 31 korrik në kompleksin turistik “Solid” në Suharekë, janë ftuar të marrin pjesë përfaqësues të institucioneve vendore dhe ata të asociacioneve dhe shoqatave mërgimtare.