Mbi 180 mijë bankënota 500-ëshe largohen nga qarkullimi në Kosovë

Banka Qendrore e Kosovës ka njoftuar të premten se mbi 180 mijë bankënota 500-ëshe janë tërhequr nga qarkullimi.

BQK sqaron se për shkak të Rregullores për Operacione me Para të Gatshme, numri i kartëmonedhave prej 500 eurosh të deponuara nga qytetarët në bankat komerciale dhe me pas në BQK, si para të tërhequra nga qarkullimi, ka kaluar mbi 180,500 njësi, duke tejkaluar vlerën e 90 milionë e 250 mijë eurove.

Rregullorja për Operacione me Para të Gatshme përveç tjerash përcaktoi që të gjitha institucionet financiare bankare dhe jobankare janë të obliguara që të ndalojnë riqarkullimin e kartëmonedhës 500 euro te klientët e tyre./koha.net