Mbi 250 martesa me detyrim bëhen gjatë vitit në Zvicër

Pavarësisht se prej dy vitesh zbatohet ligji federal kundër martesave me detyrim, megjithatë martesat e pavullnetshme në Zvicër ende janë të përhapura. Çdo javë thuajse nga pesë njerëz lajmërohen në zyrat regjionale të institutit për mbrojtjen nga martesat me detyrim “zwangsheirat”, përcjell “albinfo.ch”.

Më 19 mars,  Gjykata Kantonale e Obwalden,  e kishte shpallur të pavlefshme martesën mes një 20 vjeçare kosovare dhe bashkatdhetarit të tij 24-vjeçar. Martesa ishte bërë një vit më parë nën presion, siç kuptuan gjyqtarët. Gruaja fillon të mbrohet, sepse burri i saj e rrihte. Në dhjetor të vitit 2014 ajo kërkonte strehim të axha i saj, i cili jeton në një kanton tjetër, dhe më pas lajmërohet në polici.

Me anulimin e martesës, gruaja konsiderohet tani si e pamartuar. Për 20 vjeçaren, e cila ishte ardhur nga Kosova te burri i saj në Zvicër, kjo ndarje tashmë po i paraqet probleme serioze. Në mujain maj Enti për Migracion në Obwalden e kishte lajmëruar atë se leja e qëndrimit në Zvicër nuk do t’i vazhdohet tutje, sepse nuk janë plotësuar kushtet e qëndrimit për të huaj. Por kosovarja është duke bërë përpjekje që shteti zviceran të mundëson qëndrimin e saj në Zvicër, shkruan gazeta “NZZ Sonntag”.

Megjithatë, ky nuk është rasti i vetëm. Sipas gazetës zvicerane raste të tilla paraqitet mbi 250 gjatë vitit. Numri mund të jetë edhe më i madh.

“Mendohet se numri është edhe më i madh, por për shkaqe të frikës nga familja nuk mund të lajmërojnë rastin” thotë Anu Sivaganesan udhëheqëse e “zwangsheirat.ch”, transmeton albinfo.ch

“Shumica e viktimave nuk e sjellin anën emocionale të tyre”, thotë avokatja e specializuar për të drejtat e njeriut, Yvonne Meier.  Ngurrimi për të lajmëruar këto raste qëndron edhe te të prekurit, të cilët ndihen si fajtorë dhe kanë frikë nga dëbimi i familjes.