Mbi 4 mijë persona në vit lëndohen në palestrat zvicerane

Sipas Zyrës Zvicerane për Parandalimin e Aksidenteve (BFU), në Zvicër rreth 4 300 persona lëndohet në vit në palestra dhe qendrat e fitnesit

(KEYSTONE/Gaetan Bally)

Po kërkoni një justifikim për të mos shkuar në palestër (fitnes)? Atëherë, e keni një: sipas Zyrës Zvicerane për Parandalimin e Aksidenteve (BFU), në Zvicër rreth 4 300 persona lëndohet në vit në palestra dhe qendrat e fituesit, shkruan albinfo.ch.

Mbivlerësimi i aftësisë, mos përdorimi i pajisjeve si duhet dhe mos ngrohja e duhur, janë ndër arsyet kryesore që njerëzit të lëndohen, thuhet në njoftimin e BFU, raporton “The Local”.

Shputat, supet, muskujt e barkut dhe gjunjët, janë veçanërisht në rrezik nëse njerëzit nuk ushtrojnë siç duhet, gjithnjë sipas raportit.

Megjithatë, kjo nuk është arsye për të mos shkuar palestrën, sipas BFU.

Përkundrazi, organizata ka lëshuar një video të re në të cilën futbollisti profesionist Dennis Hediger jep këshilla të tij për ushtrimin e duhur.

Sipas kapitenit të Thunit, ushtrimi duhet të bëhet në mënyrë korrekte dhe me përqendrim.

Njerëzit që fillojnë të stërviten gjithmonë duhet të ngohen siç duhet, të kërkojnë këshilla nga instruktorët, të shmangin përdorimin e peshave shumë të rënda dhe të respektojnë udhëzimet e sigurisë së palestrës, këshillon BFU.