Mbi 5600 njerëz e vizituan Muzen Kombëtar në Tiranë gjatë korrikut

Një numër i madh i turistëve ka vizituar gjatë muajit korrik Muzeu Historik Kombëtar në Tiranë. Ky muze ka bërë bilancin e vizitorëve përgjatë muajit korrik, ku ka treguar se përveç shifrave të vizitorëve vendas dhe të huaj, ka edhe një numër të konsiderueshëm vizitorësh online.

Në muajin korrik të këtij viti, Muzeu Historik Kombëtar është vizituar nga 1371 vizitorë vendas. Numri i turistëve të huaj është më i lartë, duke arritur në 3165, dhe vizitorë online grup 447 persona. Gjithsej në total janë 5614 vizitorë, raporton Albinfo.ch.

Muzeu Historik Kombëtar është institucioni muzeor më i madh në Shqipëri dhe një nga më të rëndësishmit. Në të gjenden objekte që i përkasin një periudhe relativisht të gjatë kohore, duke filluar nga mijëvjeçari IV para Krishtit e deri në gjysmën e dytë të shekullit XX.

Muzeu Historik Kombëtar është i ndarë në pavijone: Pavijoni i Lashtësisë, Pavijoni i Mesjetës, Pavijoni i Rilindjes Kombëtare, Pavijoni i Pavarësisë, Pavijoni i Ikonave, Pavijoni i Luftës Antifashiste Nacional-Çlirimtare dhe Pavijoni i Terrorit Komunist./Albinfo.ch