Mbi 60 për qind e produkteve shqiptare shkojnë në tregun e BE-së

Shkëmbimet tregtare të Shqipërisë me vendet e Bashkimit Evropian zënë 60.2 %, të gjithë tregtisë.

Sipas raportit të publikuar nga INSTAT mbi tregtinë e jashtme, në periudhën janar – qershor 2022, eksportet drejt vendeve të BE-së zënë 73.3 % të eksporteve gjithsej dhe importet nga vendet e BE-së zënë 52.8 % të importeve gjithsej.

INSTAT bën të ditur se partnerët kryesorë tregtarë janë Italia me 31.4 %, Turqia me 8.4 %, Greqia me 6.8 % dhe Gjermania me 6.6 %.

Në këtë gjysmë të parë të vitit, eksportet e mallrave arritën vlerën 253 miliardë lekë, duke u rritur me 43.3 %, ndërkohë importet e mallrave arritën vlerën 446 miliardë lekë, duke u rritur me gati 26 %, krahasuar me një vit më parë.

Deficiti tregtar arriti vlerën 193 miliardë lekë, duke u rritur me 8.7 %, krahasuar me të njëjtën periudhë të 2021-ës.

 

---