Mbi 8000 qytetarë notuan në Liqenin e Cyrihut

Bukuritë e Liqenit të Cyrihut, fotografi nga Armend Berisha

Rreth 8,224 notarë morën pjesë në notin vjetor të liqenit në Cyrih të mërkurën pasdite. Kushtet ishin ideale, me një temperaturë uji prej 27°C.

Kalimi i 33-të i Liqenit të Cyrihut ishte pa incidente, thanë organizatorët. Rreth 400 njerëz u angazhuan për sigurinë, duke përfshirë 100 shpëtimtarë. Varkat vendoseshin çdo 50 deri në 70 metra dhe ata që nuk arritën të përfundonin kursin, u sollën të sigurt në breg, shkruan swissinfo.ch.

Pjesëmarrësit e parë u nisën në orën 14:30 në kursin 1500 metra midis Mythenquai dhe Tiefenbrunnen. Të fundit u nisën rreth orës 18:00.

Kalimi i liqenit nuk është një garë dhe madje edhe notarëve të shpejtë u kërkohet të kenë kujdes për ata më të ngadaltë. Mund të marrin pjesë notarët e moshës 12 vjeç e lart. Adoleshentët duhet të shoqërohen. Në total morën pjesë 110 të rinj, përcjell albinfo.ch.