Shqipëria

Mbi 848 mijë të vaksinuar në Shqipëri

E mërkurë, 16 Qershor 2021 - 14:40 albinfo.ch

Keystone

Shqipëria po rrit numrin e dhënies së vaksinave. Ministrja e Shëndetësisë, Ogerta Manastirliu, ka bërë të ditur se gjatë ditës së sotme në Shqipëri janë kryer gjithsej 5.895 vaksinime antiCOVID. Ajo në një postim në Twitter ka shkruar se procesi i vaksinimit po ecën me ritme të shpejta, ndërkohë që nga fillimi pandemisë janë kryer 848.430 vaksinime.

Një tjetër lajm i mirë është se Vlora është qarku i parë, ku nuk ka më raste aktive me koronavirus, ndërsa aktualisht janë 136 raste aktive në gjithë vendin.

Ministria e Shëndetësisë njoftoi se në 24 orët e fundit janë shënuar vetëm 8 raste të reja me koronavirus.