Mblidhen bizneset e diasporës në Gjermani

Të pranishëm do të jenë udhëheqës të agjencive dhe të institucioneve zhvillimore e ekonomike që veprojnë në Kosovë, si dhe përfaqësues të bizneseve nga Kosova dhe nga diaspora

Mblidhen bizneset e diasporës në Gjermani Ministria e Diasporës e Kosovës organizon një konferencë për investime më 22 tetor në Këln të Gjermanisë Ministria e Diasporës ka ftuar në një Forum bizneset e diasporës në Gjermani, qëllimi i të cilit është promovimi dhe mundësia e investimit dhe e të bërit biznes në Kosovë, si dhe rrjetëzimi i bizneseve shqiptare në Gjermani.

Praninë e tyre e kanë konfirmuar përfaqësues nga institucionet qeveritare të Kosovës, ministri i Diasporës, Ibrahim Makolli dhe ministri i Zhvillimit Ekonomik, Fadil Ismajli.

“Gjithashtu, të pranishëm do të jenë udhëheqës të agjencive dhe të institucioneve zhvillimore e ekonomike që veprojnë në Kosovë, si dhe përfaqësues të bizneseve nga Kosova dhe nga diaspora. Pjesëmarrja juaj do të kontribuojë në fuqizimin e lidhjeve me diasporën, si dhe do të ketë ndikim pozitiv në rolin e mërgatës për zhvillimin ekonomik të vendit tonë”, thuhet në njoftimin e MD-së.

Me ftesë të Ministrisë së Diasporës do të jetë i pranishëm në këtë forum edhe një delegacion nga Asociacioni i Bizneseve Shqiptare të Zvicrës i udhehequr nga kryetari Fehmi Fetahu dhe Naser Mustafa, Qamil Isufi dhe Nazmi Jakurti.

Forumi do të mbahet më 12 tetor 2013 (e shtunë), në orën 13:00, në hotelin “BARCELÓ COLOGNE CITY CENTER”, në adresën: Habsburgerring 9-13, 50674 Köln (Tel. +49 (0) 221 228 1720).

Bizneset duhet të konfirmojnë pjesëmarrjen në: [email protected]; ose në numrat e telefonit: Ambasada e Republikës së Kosovës në Berlin: +49 (0) 30 240 476 90 Konsullata në Frankfurt: 015227968543.