Mbrojtësi shqiptar, gjithnjë e më larg Arsenalit

Mbrojtësi shqiptar, Shkodran Mustafi, pritet të largohet nga skuadra e Arsenalit, kanë njoftuar mediumet angleze, transmeton albinfo.ch.

Siç raportohet talksport.com, qendërmbrojtësi Mustafi nuk pritet të jetë në planet e trajnerit spanjoll Unai Emery për edicionin e ardhshëm.

Arsenali planifikon të transferojë një numër të madh të lojtarëve, ndërsa më së shumit do të koncentrohet në repartin mbrojtës, ku ka qenë më së keqi gjatë dy sezoneve të kaluara.

Mbrojtësi i Gjermanisë me skuadrën e Arsenalit ka kontratë deri në qershor të vitit 2021.