Më 4 mars, gala mbrëmje në Uster, paraqiten 3 shqiptarë

Një super gala e boksit profesionist në USTER të Zvicrës

Mësohet se më 4 mars në Uster të Zvicrës do të zhvillohet një event i madh i boksit profesionist, ku në ring do të paraqiten edhe tre boksierë shqiptarë me prejardhje nga Kosova, por që jetojnë dhe veprojnë në diasporë, si Ramadan Hiseni, Denis Dauti e Alfred Kqira, shkruan albinfo.ch.

Promotor i eventetit është një kampion i dikurshëm në sportin e kikboksit dhe boksit, Florian Gelev, i cili njëkohësisht është edhe menaxher dhe promotor i këtyre boksierëve shqiptarë, kurse matchmaker apo ndërmjetësueses i përballjeve është tanimë një emër i njohur në boksin profesionist, Avdyl Salihu. Sipas Gelev, kjo mbrëmje do të jetë shumë tërheqëses, sepse përveç se do të ketë disa ndeshje në boksin amator, do të jenë edhe tri ndeshje profesionale, andaj fton publikun që të jenë aty dhe t’i mbështesë boksierët shqiptarë, pasi ata do përballen me kundërshtarë mjaft kualitativë. Ramadan Hiseni, i cili do jetë ndeshja kryesore, do të ndeshet me një boksier të fuqishëm, i cili vjen nga Spanja dhe ka qenë disa herë kampion i Spanjës, Jorge Vallejo (11.7.1), kurse Dennis Dauti do të përballet me çekun Vladislav Baranov (7.11.0) dhe në fund Kqira do të përballet me gjeorgjianin Nika Nakashidze (7.14.1). Ndryshe, Gelev njofton se për shkak të masave anti-Covid është lejuar që ky event të ndiqet maksimalisht nga 500 persona, andaj të gjithë ata që dëshirojnë të jenë në këtë gala mbrëmje, mund ta rezervojnë në: http://www.tipo.ch/boxing

---