Më ashpër kundër keqpërdorimit të armëve ushtarake

Kështu është reaguar ndaj dy rasteve të rënda të vrasjeve që kanë ndodhur kohëve të fundit, të cilat janë bërë me armë të ushtrisë

Komisioni për çështje të sigurisë i Dhomës së Kantoneve të Parlamentit të Zvicrës kërkon që të merren masa më të ashpra për të parandaluar keqpërdorimin e armëve ushtarake.

Ky komision ka reaguar në këtë mënyrë ndaj dy rasteve të rënda të vrasjeve që kanë ndodhur kohëve të fundit, të cilat janë bërë me armë të ushtrisë, shkruan drs.ch.

Komisioni shkruan se duhet reaguar menjëherë në rastet kur ndodhin kërcënime ose akte dhune, si me armë civile ashtu dhe me ato ushtarake. Javën e kaluar edhe komisioni për siguri politike i Dhomës Nacionale të Parlamentit është marrë me këtë temë.

Por, për ndryshim, ai nuk ka parë arsye për të vepruar në drejtimin që rekomandon komisioni i Dhomës së kantoneve.