Më pak filiale bankash në Zvicër

Rreth 2 500 degë të bankave janë në Zvicër. Në fillim të viteve 1990 ka pasur pothuajse 2.000 më shumë. Transaksionet klasike mund të kryhet tani vetëm në internet.

Digjitalizimi është duke përparuar. Gjithnjë e më shumë konsumatorë depozitat dhe tërheqjet e tyre po i bëjnë online. Prandaj, numri i transaksioneve klasike në bankë është ulur me 20 për qind në vit.
Profesori për banka, Andreas Dietrich, i Universitetit të Lucernit, tha për SRF se është e qartë që bankat po rishikojnë strategjinë për punën e tyre nëpër zyra. Kështu po zvogëlohen edhe filialet bankare klasike me sportele dhe arkëtarë, shkruan albinfo.ch.

Bankat intensifikojnë shërbimet e tyre këshillimore në vend, të tilla si për planin pensional apo të financimit të hipotekave. Për këtë, zyra është e pajisur gjithnjë me instrumente digjitale, si ekranet video dhe tableta, me të cilat klientët e bankës mund të komunikojnë.