Më shumë se 340 fëmijë të mbytur në Mesdhe

Nga shtatori i vitit të kaluar, më shumë se 340 fëmijë të vegjël janë mbytur në Mesdheun Lindor

Një mesatare prej dy fëmijëve refugjatë mbyten çdo ditë që nga shtatori i vitit 2015, derisa familjet e tyre ishin duke bërë përpjekje për të kaluar Mesdheun Lindor, dhe numri i vdekjeve të fëmijëve është në rritje, sipas IOM, UNHCR dhe UNICEF. Agjencitë në fjalë kanë bërë thirrje për rritje sigurisë për të ikurit nga konflikti dhe dëshpërimi.

Nga shtatori i vitit të kaluar, më shumë se 340 fëmijë  të vegjël janë mbytur në Mesdhe. Numri i përgjithshëm i fëmijëve që kanë vdekur mund të jetë edhe më i madh, sipas agjencive, për shkak se trupat e tyre janë të humbur në det, sipas agjencive.

Drejtor Ekzekutiv i UNICEF-it, Anthony Lake, tha se vendet duhet të bashkëpunojnë që këto udhëtime të rrezikshme të bëhen më të sigurta.

« Askush nuk e vë fëmijën në një varkë në qoftë se ka një alternativë të sigurt, “shtoi ai.

Pjesa e Detit Egje në mes Turqisë dhe Greqisë është një nga rrugët më vdekjeprurëse në botë për refugjatët dhe migrantët.

« Këto vdekje tragjike në Mesdhe janë të patolerueshme dhe duhet të ndalen “, tha komisioneri i OKB-së për Refugjatë, Filippo Grandi.

Sekretari i Përgjithshëm i OKB u mblodh në një takim të nivelit të lartë për të ndarë përgjegjësitë në botë përmes rrugëve ligjore për pranimin e refugjatëve sirianë, që do të mbahet në Gjenevë më 30 mars.

Gjatë gjashtë javëve të para të vitit 2016 kanë humbur jetën 410 njerëz nga 80 mijë që kalojnë nëpër Mesdheun Lindor.

” Kjo është një katastrofë humanitare në rritje, e cila kërkon që të angazhohemi në të gjithë botën. “tha  drejtori i përgjithshëm i IOM-it në Gjenevë, William Lacy Swing, përcjell albinfo.ch

Sipas agjencive, fëmijët përbëjnë 36 për qind të atyre që kalonin detin