Më shumë se 700 mijë refugjatë ukrainas, të regjistruar në Gjermani

Keystone (AP Photo/Bernat Armangue)

Ministria e Brendshme Gjermane ka deklaruar se që nga fillimi i luftës më shumë se 700,000 refugjatë ukrainas janë regjistruar në vend.

“Që nga fillimi i luftës, më 24 shkurt, deri më 11 maj, 727,205 njerëz janë regjistruar në Regjistrin Qendror të të Huajve të Gjermanisë, 93 për qind prej tyre me shtetësi ukrainase”, ka deklaruar Ministria e Brendshme.

Rreth 40 për qind e refugjatëve të luftës ishin nën moshën 18 vjeç, ndërsa gratë përbëjnë 81 për qind të të gjithë refugjatëve të rritur të regjistruar.

Ministria deklaroi se të dhënat personale të refugjatëve janë regjistruar nga personat e tjerë, por ende nuk janë regjistruar me karakteristika biometrike, siç janë shenjat e gishtave.