Mentor Dida realizon ëndrrën në Amerikë

Ndër arritjet e tij të shumta, është se ai është bërë bashkëthemelues dhe anëtar i kreativitetit dhe inovacionit në një sipërmarrje

Mentor Dida është një i ri Kosova, i cili është bërë agjent kryesor i ndryshimeve në Politeknikë.

Ai ishte i dhënë pas teknologjisë dhe shkoi në Amerikë pas përfundimit të shkollës së mesme dhe u fokusua në teknologji globale dhe sipërmarrje.

Dida ishte shumë aktiv me iniciativat e tij në Shkollën Politeknike, raporton ‘KTV’. Ndër arritjet e tij të shumta, ai është edhe bashkëthemelues dhe anëtar i kreativitetit dhe inovacionit në një sipërmarrje.

Aktualisht është duke punuar në Ashoka si koordinator i këtij programi, i cili është rrjeti më i madh i sipërmarrësve social në mbarë botën, përcjell albinfo.ch.

Dida ka thënë se pas përvojës së tij në Kosovë gjatë kohës së luftës, ai besonte se mund të luftonte për paqe dhe mirëkuptim të njerëzve, e kështu edhe mori hapat e tij të parë për në Shtetet e Bashkuara të Amerikës.

“ Gjithçka që shohim vjen nga një atom”, ishin fjalët që Dida zgjodhi për t’iu drejtuar publikut në ditën e diplomimit të tij, duke vazhduar se bashkërisht mund të luftojmë dhe të bëjmë më shumë për një botë më të mirë.