Mërgata gjallëron kulturën në Kosovë

Ardhja e mërgimtarëve ka shtuar aktivitetet kulturore nëpër komunat kosovare. E veçanta e këtij vikendi është Festivali i Folklorik “Oda e Llapushës” që mbahet sot e nesër në Malishevë

Në të gjitha komunat e Kosovës po vazhdojnë të mbahen aktivitete të ndryshme kulturore me rastin e “Ditëve të Diasporës” pra Mërgata eshte duke e gjalleruar kulturën Kosovare. Aktivitetet janë shtuar edhe në komunat më të vogla të Kosovës, ndërsa e veçanta e këtij vikendi është Festivali i Folklorik “Oda e Llapushës” që mbahet sot e nesër në Malishevë.

Në këtë festival do të prezantojnë rapsodët më të njohur të folklorit shqiptar, ndërsa shfaqja është e ndarë në dy edicione, njëri mbahet sonte dhe tjetri nesër.

Sipas një njoftimi lëshuar nga Komuna e Malishevës, në festival marrin pjesë: Ali Krasniqi’ SHKA “ Salih e Feriz Krasniqi; “Të bijtë e Sefë Mleqanit; SHKA “ Muharrem e Xhevat Qena “SHKA “ Jehona e Dukagjinit, rapsodi Islam Hasi

rapsodi Agim Korpuzi; rapsodi Lul Sejdiu; Fatmir Bajra; vëllezërit Çeta; rapsodët Liti dhe Biti; vëllezërit Zogaj; Gëzim Bytyçi; Ansambli i valleve “ Llapusha; SHKA “Shotë Galica”; Ferid Dida me grupin e Kukësit etj.

Ndërsa krahas mbajtjes së Festivalit “Oda e Llapushës”, në Malishevë të premten është hapur edhe panairi artizanal, ku po prezantohen punimet e dorës si dhe të ushqimeve tradicionale, me qëllim të ruajtjes së traditës dhe njoftimit të gjeneratave te reja me traditën shqiptare.

Krahas veshjeve popullore dhe punimeve tjera zbukuruese, në këtë panair janë të prezantuara edhe çiftelitë dhe punimet nga druri, materiale tjera “jana” e “qilima”, veshje tjera tradicionale, pastaj ushqime tradicionale, si flija dhe ëmbëlsira.

Hapjen e panairit e bëri nënkryetari i Komunës së Malishevës, Rexhep Mazreku, i cili i inkurajoi ata që merren me zhvillimin e kësaj veprimtarie dhe kultivimin e traditës.

Këtë panairi, po e vizitojnë shumë qytetar, ndërsa më kureshtar duket të jenë mërgimtarët, të cilët edhe janë blerësit kryesor në këtë panair.

Në anën tjetër, gjatë tri netëve të kaluara në Deçan janë mbajtur manifestime të ndryshme, në kuadër të “Ditëve të Diasporës 2014”.

Kryetari i komunës Rasim Selmanja tha së Deçani, po vazhdon ta ruaj traditën si në kulturë dhe vlera tradicionale, po ashtu edhe në manifestime edhe evenimente të ndryshme, andaj vet pjesëmarrja e qytetareve në këto organizime, sipas tij, i bën administron të ndihet mirë.

Për tre net radhazi në qendër të qytetit janë mbajtur koncerte të ndryshme si : më 29 Korrik, Koncert me Rapsodë Deçanas dhe të Komunave tjera të Kosovës, ku dhe janë nda mirënjohje postmortum për rapsodët që nuk janë më në jetë, për humoristët e komunës së Deçanit dhe drugdhendësit.

Po ashtu për nderë të bashkatdhetarëve, Drejtoria për Kulturë, Rini dhe Sport në Komunës së Kamenicës, organizoi koncert me moton “Respekt për bashkatdhetarët”. Koncerti u organizua në hapësirë të hapur, në Sheshin “Metush Krasniqi” në Kamenicë.

Vlen të theksohet pjesëmarrja e madhe e qytetarëve, reagimet e tyre, dhe falënderimet e tyre për organizatorët, e gjithashtu edhe kërkesat e tyre për organizime të tilla në vitet e ardhshme. Gjithashtu në respektim të traditës në ushqime, u organizua shpërndarja e ushqimeve tradicionale, me qëllim të promovimit të tyre për gjeneratat e reja.

Ndryshe, “Ditët e Diasporës” do të mbahen deri më 15 gusht, ndërsa takimi tradicional për bashkatdhetarët mbahet nesër, me 2 gusht në Prekaz të Skenderajt. Ky tubim organizohet nga Ministra e Diasporës, e cila gjithashtu do t’u shpërndaj mirënjohje për mërgimtarët më të zellshëm dhe për organizatat që kontribuojnë për bashkatdhetarët. 

---