Mërgimtari shqiptar, bashkë me austriakun, ndihmuan mbi 50 familje në Kosovë

Ndihma e madhe që dhuron diaspora në Kosovë ka qenë e përvitshme dhe e madhe. Së fundmi, bashkëvendasi ynë, Enver Tershani, i cili jeton dhe vepron në shtetin e Austrisë tash e 22 vjet, së bashku me kolegun e tij, Stefan Pichler, shtetas austriak, në prag të festave të fundvitit kanë shprehur vullnetin për të ndihmuar mbi 50 familje në nevojë të Komunës së Suharekës, ku kjo ndihmë kap vlerën prej 5000 euro, shkruan albinfo.at.

Po ashtu, ditëve në vazhdim ata do të shpërndajnë edhe 400 dhurata në çerdhet e komunës së Suharekës dhe Handikos, në vlerë prej 2000 eurosh. /Albinfo.at