Mesazhi i Granitit

“Kjo do të jetë hera e parë kur do të takohemi në fushë si kundërshtarë, dhe shpresoj se do të jetë e para dhe e fundit, ne do t’i tregojmë botës se edhe pse jemi kundërshtarë për 90 minuta, ne do të qëndrojmë së bashku si bëjnë vëllezërit”, ishte mesazhi i Granit Xhakës

Futbollisti shqiptar, Granit Xhaka ka publikuar një mesazh për vëllain e tij Taulantin para ndeshjes mes Zvicrës dhe Shqipërisë në Grupin A të Euro 2016. Kjo ndeshje zhvillohet të shtunën nga ora 15:00, shkruan albinfo.ch.

“Vëllai im, ti dhe unë gjithmonë kemi qëndruar së bashku, pa marrë parasysh asgjë. Kjo do të jetë hera e parë kur do të takohemi në fushë si kundërshtarë, dhe shpresoj se do të jetë e para dhe e fundit, ne do t’i tregojmë botës se edhe pse jemi kundërshtarë për 90 minuta, ne do të qëndrojmë së bashku si bëjnë vëllezërit”.

“Një ndeshje kurrë nuk do të hyjë mes nesh, jo si shokë dhe jo si vëllezër. Të uroj shëndet dhe fat për ndeshjen e nesërme, ti je dhe gjithmonë do të jesh shembull për mua”, shkroi Graniti në mesazhin e publikuar në “Facebook”.

https://www.instagram.com/p/BGfMagZPczy/?taken-by=granitxhaka