Meta nis llogaritë me verifikime, vendos për pagesa mujore

(AP Photo/Eric Risberg)

Kreu i kompanisë Meta, Mark Zuckerberg, ka njoftuar këtë javë lansohet produkti i ri Meta Verified, i cili u mundëson përdoruesve mbrojtje shtesë nga llogaritë e rrejshme. Por ky shërbim do të jetë me pagesë mujore, shkruan albinfo.ch.

“Këtë javë ne po fillojmë të lansojmë Meta Verified – një shërbim abonimi që ju lejon të verifikoni llogarinë tuaj me një ID të qeverisë, të merrni një distinktiv blu, të merrni mbrojtje shtesë nga imitimi kundër llogarive që pretendojnë se jeni ju, dhe merrni akses të drejtpërdrejtë në mbështetjen e klientit. Ky funksion i ri ka të bëjë me rritjen e autenticitetit dhe sigurisë në të gjitha shërbimet tona. Meta Verified fillon me 11,99 dollarë në muaj në ueb ose 14,99 dollarë në muaj në iOS. Do të dalim në Australi dhe Zelandën e Re këtë javë dhe në vende të tjera së shpejti”, njofton Zuckerberg.