Meta reagon për zgjedhjet e djeshme në Shqipëri

"Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm"

I pari i shtetit shqiptar, Ilir Meta, ka reaguar në lidhje me zgjedhjet e 30 qershorit. Ai nëpërmjet një statusi në rrjetin social Facebook ka falënderuar qytetarët që, sipas tij, nuk ranë pre e dhunës së nxitur nga liderë të papërgjegjshëm, përcjell albinfo.ch.

Ky  është shkrimi i plotë i Metës:

“Urime të gjithë qytetarëve që dje iu larguan konfrontimit dhe dhunës, duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.

Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.

Përsa u takon tejkalimeve të planit në votimet socialiste, asnjë surprizë nuk kisha.
Tani më duhet të “shpik” një dekoratë të re, që besoj me ndihmën e Kuvendit socialist do miratohet, atë të “Heroit të votave socialiste”.

---