Meta i thotë presidentit grek se duhet ruajtur qetësinë

Presidenti i Shqipërisë, Ilir Meta ka reaguar në një intervistë për mediat, ndaj deklaratave të homologut grek Pavlopulos.

Në një intervistë për “Albanian Daily News”, Meta u shpreh se qëndrimet e presidentit grek nuk janë në sintoni me Bushatin e Kotzias.

“Qëndrimet e tij nuk sjellin energji pozitive. Deklaratat e tij nuk i përgjigjen partneritetit. Të ruajmë qetësinë dhe respektin reciprok”, u shpreh Meta, përcjell albinfo.ch.

Sa i përket negociatave me BE, Meta u shpreh se besueshmëria e zbatimit të reformave është kyç për suksesin.

“Shqipëria mund të ecë më shpejt drejt çeljes së negociatave, por duhet vullnet i konsoliduar politik. Besueshmëria e zbatimit të reformave është kyç për suksesin”, deklaroi Ilir Meta.