Ministri i Pushtetit Lokal: Nga mediat e kuptova që po hetohem

Ministri i Pushtetit Lokal, Elbert Krasniqi, është shprehur se nga mediat është informuar se po hetohet nga Task-Forca Anti-korrupsion e Policisë së Kosovës.

“Sapo e kuptova nga portali ‘Betimi për Drejtësinë’ që qenkam nën hetime. Deri më tani nuk kam qenë në dijeni e as që jam ftuar nga ndonjë institucion hetues. Ajo për çka jam i sigurt është që për herë të parë komunitetet po mbështeten seriozisht nga Qeveria”, ka shkruar Krasniqi, përcjell albinfo.ch.

Ai është zotuar se do të punojë ndershëm dhe bazuar në ligj e transparencë.

“Ligji, transparenca dhe puna e ndershëm është baza e çdo vendimi tim. Mbesim të përkushtuar për të përmirësuar kushtet e jetesës së qytetarëve, e në veçanti atyre që kanë më së shumti nevojë”, ka shkruar Elbert Krasniqi tutje, përcjell albinfo.ch.