Miqësore shqiptare në futboll, Kosovë-Shqipëri

“Ndeshja Kosovë – Shqipëri, do të zhvillohet me 13 nëntor, në ora 14:00 në Prishtinë. Konsiderohet ndeshje e veçantë, sepse luhet lojë vëllezërish

Pas kualifikimit për në kampionatin Evropian të Futbollit “Franca 2016”, Kombëtarja e Shqipërisë do të zhvilloj një ndeshje miqësore me Reprezentacionin e Kosovës, më 13 nëntor në Prishtinë. Kjo ndeshje do të jetë e veçantë, sepse luhet vetëm për tifozët kosovarë që kanë mbështetur Shqipërinë gjatë unifikimeve.

Kjo ndeshje ishte parashikuar të luhet më 17 nëntor, por është ndërruar termin për një javë. Lajmin e ka konfirmuar përgjegjësi i Përfaqësueses, Artan Govari.

“Ndeshja Kosovë – Shqipëri, do të zhvillohet me 13 nëntor, në ora 14:00”, ka shkruar Govori në facebook. Shqipëria e ka siguruar kualifikimin për në kampionatin evropian dhe do të vijë në Kosovë të festojë me tifozët e saj këtë rritje të madhe për të gjithë shqiptarët.

E veçanta është se në Kombëtaren e Shqipërisë luajnë një numër i madh i lojtarëve nga Kosova, por edhe viset jashtë Shqipërisë, nga Maqedonia e Lugina e Preshevës. Lojtarë standard në Kombëtare kanë luajtur, Cana, Berisha, Kukeli, Abrashi, Xhaka, Gashi, Lenjani, etj.