Lajme
Misteri 4000-vjeçar i piramidave në Egjipt
![](https://www.albinfo.ch/wp-content/uploads/2024/05/screenshot_20240523_212705_youtube-587x285.jpg)
Një degë lumi e sapozbuluar, e fshehur nën rërën e shkretëtirës dhe tokat bujqësore, besohet se është përdorur për të transportuar blloqe masive guri dhe materiale, në vendndodhjet e piramidave.
Shkencëtarët mendojnë se mund të kenë zbuluar, më në fund, misterin shekullor se si 31 piramida, përfshirë Piramidën e famshme të Gizës, u ndërtuan në Egjipt, më shumë se 4000 vjet më parë.
Dhe jo, nuk ishte me ndihmën e jashtëtokësorëve.
Një zbulim novator, nga studiuesit e Universitetit të Karolinës së Veriut Wilmington, zbulon se këto mrekulli të lashta ka të ngjarë të jenë ndërtuar përgjatë një dege, tashmë të zhdukur, të lumit Nil, të fshehur nën rërën e shkretëtirës dhe tokat bujqësore.
Për vite me radhë, arkeologët kanë spekuluar se egjiptianët e lashtë përdorën një rrugë ujore për të transportuar blloqe masive guri dhe materiale të tjera, të nevojshme për ndërtimin e piramidave.
Megjithatë, vendndodhja dhe natyra e saktë e kësaj rruge ujore kishte mbetur e panjohur deri më tani.
Dega “Ahramat”, e sapozbuluar, e shtrirë përafërsisht 64 kilometra e gjatë, besohet se është “përdorur si një rrugë ujore transporti për punëtorët dhe materialet e ndërtimit për te piramidat”, thuhet në studim.
Sipas studimit, “tempuj të panumërt në Egjipt nuk janë gjetur ende dhe, për rrjedhojë, mund të ndodhen ende nën fushat bujqësore dhe rërën e shkretëtirës, përgjatë bregut të lumit, të degës Ahramat”.
Mbeten të paqarta arsyet pse u tha apo u zhduk kjo degë e lumit. Sipas studiueses Eman Ghoneim, ka shumë të ngjarë, një periudhë thatësire, shkaktoi që rëra të përfshihej në rajon, duke e mbushur lumin.
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Zvicër
-
Ukrainasit presin rezultate konkrete në Bürgenstock Derisa politika botërore po diskutohet në Bürgenstock, ukrainasit shpresojnë për rezultate të prekshme. Presidenti ukrainas, Volodymyr...
-
Zvicër: Osmani pritet nga Amherd, rikonfirmon mbështetjen për lirinë e Ukrainës
-
Shtatë ngjarje të paharrueshme në Zvicër këtë korrik
-
Kievi dëshiron të ‘bëjë histori’ në samitin e paqes, por Berna ka ‘objektiva modeste’
-
Zvicra aktivizon 4 mijë ushtarë për sigurinë e pjesëmarrësve në Samitin për Paqe